ஸ்தல புராணம்

என்னவெனில், ஐக்ய பாவத்தின் தாத்பர்யம் தங்களுக்குள் புரிதல், அந்யோன்யம், ஈர்ப்பு, மனோலயம் ஆகிய குறைபாடுகள் உள்ள தம்பதியர் இத்திருச்சந்நிதி திவ்ய தம்பதிகளிடம் சரணடைந்து, பிரதி வெள்ளிக் கிழமைகள் மற்றும் ப்ரதி மாதம் உத்ராட திருநட்சத்திரம் அன்று நடைபெறும் உத்ஸவங்களில் தொடர்ந்து வழிபட்டு வந்தால், தம்பதிகளுக்கிடையேயான இப்பெரும் குறைகள் முழுவதும் நீங்கப்பெற்று, அவர்களுக்குள் பரஸ்பரம் நல்ல அன்பும், புரிதலும் ஏற்படுமென்பது கண்கண்ட அனுபவம். அதன் பலனாய் அவர்களுக்கு ஒரு நல்ல குழந்தைப் பேறும் அமையப் பெறும் என்பது பலரது வாழ்வில் கண்ட உண்மை. ஆகவே, இவ்வித நல்ல முழுமையான மகிழ்ச்சி நிறைந்த இல்வாழ்க்கையும், மழலைச் செல்வமும் குறைவற அருளுவதற்கென்றே அமைந்துள்ளது இத்திருச்சந்நிதி.

​

நடமாடும் தெய்வமாக இன்றும் நம்மிடையே அருளாட்சி புரிந்துவரும் காஞ்சி ஸ்ரீமஹாபெரியவாளுக்கு மேல்வெண் பாக்கம் நம் ஸ்ரீதாயார் பெருமாளிடம் அபாரமான பக்தியும் ஈடுபாடும் இருந்து வந்திருப்பதால், முன்பு இத்திருக்கோயில் எல்லைக்குள்ளே இருந்த காஞ்சி ஸ்ரீஉபநிஷத் ப்ரஹ்மேந்த்ர மடத்தில் தங்கி ஸ்ரீஸ்ரீஸ்ரீமஹா பெரியவா இந்தத் தாயார் பெருமாளைத் தரிசித்து மகிழ்ந்திருக்கிறார்.

​

மேலும் ஸ்ரீஸ்ரீஸ்ரீமஹா பெரியவா 1957ல் இத்திருச் சந்நிதியில் மூன்று முழு நாட்கள் எழுந்தருளியிருந்து இத் திவ்ய தம்பதிகளை ஏகாந்தமாக அனுபவித்து ஸேவித்துப் பேரானந்தப் பெருமகிழ்வு அடைந்ததாக இவ்வூர் முதியவர்கள் இன்றும் பெருமையுடன் நினைவு கூறுகிறார்கள். அவ்வமயம் ஸ்ரீஉபநிஷத் மடத்தின் பீடாதிபதியாக இருந்த ஸ்ரீஇஷ்ட ஸித்தீந்த்ர ஸரஸ்வதி ஸ்வாமிகளின் காலத்தில் மிக ப்ரஹ்மாண்ட வேதபாட சாலையும், கோசாலையும் இங்கு செயல்பட்டு வந்திருக்கின்றன.